17 Desember2019

Goeiste maar ‘n mens slaap darem lekker so op ‘n plaas. Die stilte en vars lug het seker iets daarmee te doen vermoed ek. Vandag vat ons pad Wildernis toe. Daar gaan ons bietjie uitspan vir 3 dae. Niks ry net vir die see sit en kyk en ontspan.

Dis ‘n baie lekker grond pad van Zandvlakte af tot by die N9. Oppad sien ek ‘n troppie spierwit springbokke.

 Dit lyk darem nie reg nie. Ek vermoed polities is dit ook taboo! Met ‘n hartseer hart begroet ek die teerpad. Dis karre wat gaan en verby flits. Ek raak skoon verboureerd. Gelukkig is dit darem net 11km tot in Uniondale. Oulikke dorpie so met sy spook en al. Ons ry deur Uniondale Poort oor R62 deur die Prince Alfred’s Pass na Die Vlug.Dan met die grondpad na Knysa. So deur Filla se bos en al. Ons het van tevore die pad gery maar van Knysa se kant af. Dit is duidelik dat meer mense begin agterpaaie ry. Tot my verdried kry ek “verkeer” op die pad. Karre agter my en karre van vooraf. Die pad laat nie veel spasie toe vir 2 karre om by mekaar verby te ry nie wat nog van karavane! Gelukkig is die meeste verkeer verby na so halfpad af in die pad. Die Knysa Bos is darem iets om te beleef.

Ons moet noodgedwonge stop by ‘n piekniek plek om gehoor te gee aan Moeder natuur. Die Dal van Varings!

 Wow wat ‘n ongelooflikke mooi piekniek plek. Skoon en netjies. Nou ja ‘n longdrop in ‘n natuur reservaat is opsig self ‘n ervaring. ‘n Longdrop is nie ‘n longdrop as daar nie ‘n spinnekop en ‘n brommer jou vergesel nie. Dan ook geen wentelasie! Gelukkig is die longdrop darem in die koelte gewees!

Ons vat weer ‘n ander afdraai paadjie in die bos en die gooi ons toe reg by die  Heads uit in Knysa. Ons is toe reguit na 34*South restaurant toe om te gaan oesters koop. ‘n Mens kan mos nou glad nie in die geweste wees sonder om ‘n oester of wat te eet nie. Ek was jare laas hier in Wildernis gewees nie. Ook ‘n baie mooi deel van die land. Ons het ‘n plekkie bespreek by THE TOPS gaste huis! ‘n Bly plekkie teen ‘n hoogte met ‘n uitsig wat skrik vir absoluut niks. Iets ongelooflik!

Om ‘n Kinkel in ons vakansie te sit besluit Waze om ons vir ‘n “ride” te vat Ons word op ‘n roete gevat deur ander woonbuurte waar jy gladnie die see kan sien nie. Sowaar weer ‘n  stukkie grondpad en toe uiteindelik die versteekte afdraai na die huis. Ons Gasheer Tom verwelkom ons baie hartlik. Ons het sowaar ‘n hysbak om al ons begasie na bot e neem. Anders het ons swaar gekry. Daar is trappe wat jy nie verstaan nie!Ons eenheid is op die 2de vloer met ‘n balkon . Die uitsig is iets uit die wêreld uit. Hier gaan ons lekker kuier!  

Maandag 16 Desember

In die ou dae was dit Gelofte dag gewees. Die dag waarop ons die gelofte van die Boere krygers herdenk toe hulle die oormag Zulu’s by Bloedrivier verower het. Dit word egter nie meer deur almal herdenk nie. Die jaar was daar blykbaar 3000 mense by die Voortrekkermonument om die dag te herdenk. Op die 16de Desember om 12 uur die middag skyn die son direk op die senotaaf wat in die middle van die Monument se vloer staan. Dit verlig die woorde “Ons vir jou Suid Afrika”

Ons is egter oppad na die hoogte en hoogste punt van ons Sloertoer. Die Baviaanskloof. Vroutjie wil nou al vir jare he ons moet die Kloof aandurf. Ek het baie opgelees oor die roete en na youtube video’s gekyk. Selfs Johan Badehorst en sy span van Voetspore het hier gery. Die enigste verskil is dat almal die roete ry van Wiliston se kant af na Patensie. Ons roete is nou anders om. Hoop nie daar is ‘n juiste rede hoekom hulle Wiliston se kant ry nie. Wel ons sal weldrae uitvind. Ons groet die Ripple Inn en vat die pad. Ons is eers oppad Jeffreysbaai toe. Vroutjie ken nie die dorp nie en ek het baie goeie herinneringe van die plek. In Desember 1985 het ek en my kamer maat van die Artilirie Skool by Potchefstroom die einde van ons 2 jaar diensplig hier kom vier!

Wat ‘n verbasing toe ons die plek binne ry. Dis glad nie meer ‘n klein vakansie dorpie vol surfers nie. Die plek het geweldig uitgebrei. Kuier plekke en winkelsentrums is ooral te sien. Ongelooflik.

Ons stop by die Spur reg op die strand vir ‘n ontbyt voordat ons die KLOOF gaan aanpak. Met ons innerlikke versterk ry ons oor Humansdorp terug deur Patensie na die Baviaanskloof.

Dis ‘n stukkie teer pad so deur die lemoen boorde voor ons die grondpad tref. Lekker pad tot by Poortjies hek. Daar draai ons af om eers ons toegang te betaal.

By die hek vra vroutjie die dame hoe lyk die pad vorentoe. Haar antwoord”hys maar rof mevrou” .Nou ja toe daar het ons dit nou. So kronkel die pad die berg op Baie mooi uitsigte. Op die stadium is die pad nog heel hanteer baar. Op ‘n draai effe hoër op hou ons stil om bietjie bene te rek en ietsie kouds te vat.

 Nou raak die spulletjie by tye bietjie rof. Ons gaan net hoër en hoër die berg op. Die plante groei is ongelooflik mooi. Ons is veral verbaas oor die blommende spekbome. Ons het self 1 boom met 2 afstammelinge by die huis.

By Smutskraal stop ons om weer bene te rek. Ons moes nou eers deur ‘n redelikke diep stroom ry. Nogal ongemaklik as jy nie kan sien wat op die bodem aangaan nie en maar op gevoel ry. Gelukkig is die ou staatmaker toyotatjie daar deur sonder enige probleme.

Ons bereik die hoogste punt wat omtrent 1625m bo seevlak is. ‘n Tipe van plato met wonderlikke uitsigte en nie so wonderlikke vooruitsigte nie. Vir die een of ander rede hou ek eerder van opdraand ry as afdraand. Beton 2spoor paadjies begin ons aflei na onder. Enkelspoor paadjies moet ek by sê. Ons was gelukkig dat elke keer dat daar ‘n voertuig van voor af kom kon ons plek maar sodat hulle kan verby kom. Met hierdie 2 spoor paadje op die hoogte is daar nie ‘n kans nie! So kruie ons die kronkel pad af. Voetjie vir voetjie. Onder begroet ‘n nuwe uitdaging ons. Hier is nogal water. Elke nou en dan deur ‘n vlak driffie.'n Mens kan nou ook nie so deur berg water ry sonder om 'n bietjie daarvan op te vang nie.

 Daar is min dinge so lekker na 'n dag se harde ry as 'n yskoue Jameson met bergwater nie Dan so stukkie deur ‘n rivier of stroom maar gelukkig kom ons deur. Toe ons weer sien is ons deur die reservaat maar darem nog in die kloof. 5uur die middag kom ons op die plaas Zandvlakte aan waar ons gaan afsaal vir die aand. Dit het ons ‘n goeie 6 ure geneem om die 100km af te lê.

Nie ‘n pas wat ek sal aanbeveel vir nuwe bestuurders nie hoor! Ook nie vir die gene met ‘n “swak” hart nie. Wel ‘n belewenis vir die met ‘n tikkie avontuurlus in die bloed!

Ons kry 'n lekker huisie om in te bly. Nadat ons 'n paar goedjies afgepak het steek ek 'n vuur aan en gooi een van daai bergwater koues

Môre is daar nog seker so 70km van die kloof oor voor ons die teerpad kry Uniondale toe. Ons geniet die aand in die kloof en tel seker so 14 satelitte wat kruis en dwars deur die hemel gly. Tevrede gaan slaap ons.

SLOERTOER 2019

15 Desember

Sondag 15 Desember 2019. Vandag is ons eindbestemming Patensie. Lemoen wereld en ook die tuiste van die Ferreiras. Boetie bun het vir WP skrumskakel gespeel in die 80’s. Vroutjie het gegoogle en op ‘n lekker padstal afgekom net buite Patensie. Aangesien ons hotel eintlik toe is op ‘n Sondag en nie vir ons ‘n ete kan voorsien nie het ons dit goed gedink om maar by die padstal ‘n laat middagete te gaan eet. Die Ripple Inn Hotel in Patensie lyk na ‘n baie lekker plek net jammer hulle voorsien nie vir sondae nie.

Van Betulie neem ons ‘n grondpad na Burgersdorp. So al langs die spoorlyn.Ek sou skat so 60 km. Die pad is goed en die toyotajie doen so 100km/h. So is ek al gewoond aan grondpad ry met die kar. As die banddruk reg is kan jy maar aanstoot. ‘n Grondpad is maar soos die see. Jy moet hom nie te gewoond raak nie. Nie te mak word nie. So kom ek dit toe agter toe ek myself so bietjie misgis met my spoed en ‘n draai. Gelukkig het ek in die weermag ‘n gevorderde bestuurs kursus gedoen en kon die draai toe mooi “negotiate’ . Daarna was ek bietjie meer versigtig.

Wat ‘n verassing wag toe op ons. Burgersdorp is ‘n pragtige dorp. Jy kry sommer so lekker gevoel as jy daar in ry. 

Nie iets wat jy by hedendaagse plattelandse dorpe kry nie. Ons ry bietjie ‘n draai deur die dorp en stoot toe aan in die rigting van Hofmeyr . Natuurlik weer grondpad! Hierdie keer net so 32km se grondpad .In Hofmeyr word ons begroet deur ‘n pienk kerk. 

Die dorp lyk erg verwaarloos! Van daar neem die pad ons Tarkastad toe. Hier het ‘n paar boere gebly voor hulle ook Noord getrek het.

 Ons vat toe die pad Cradock toe. Vandaar na Cookhouse en Paterson en ‘n entjie in die pad af draai ons toe weg na ADDO. Vandaar na Uitenhage oppad na Hankey. Deur Hankey Patensie toe. Dit moet awesome wees om in bloeisel tyd deur die geweste te ry. Gelukkig kom ons toe so teen 15h00 uur in Patensie aan ek kon toe nog iets gaan eet by die bekende Padstal.

 ‘n Lekker ou plattertjie en ‘n koue wyntjie en toe Ripple Inn toe. ‘n Kennisgewing op die voordeur laat weet mens om vir John te bel om oop te kom sluit. Hy kom sommer so met ‘n fiets aangery. Die Hotel is stunningly mooi in die binne kant. Geelhout plank vloer en als wat daarmee gepaart gaan. Net jammer als is toe . Selfs die Kroeg. Gelukkig het ons kamer ‘n agterdeur wat uitloop op ‘n parkeer tereintjie. Een groot boom en plek vir 2 karre. Ons het gelukkig ons kamp stoelle en proviant ingepak en daar sit ons 2tjies op ‘n sondagmiddag in ‘n hotel se agterplaas ‘n ietsie ligs gebruik!

SLOER TOER 2019

14 DESEMBER

Saterdag oggend net na 6h00 vetrek ‘n vol gelaaide Toyotatjie Pretoria. Hoewel ek allergies is vir hoof paaie is dit onafwentbaar dat ek van hulle moet ry. Ons vat die R21 oppad na OR Tambo Lughawe. As of dit die eerste keer is wat ek die pad ry oppad na die N3 neem ek sowaar die verkeerde afrit. Gelukkig is dit SLOERTOER ’19. So verken is deel van die pret. Met ‘n effe van ‘n ompad is ons darem weer op roete na die N3. Gelukkig draai ons by Heildelberg van die N3 af. Dis net absoluut ongelooflik hoe mense deesdae so haastig is en jaag. Dis vir my regtig ‘n wonderwerk dat daar so min mense op ons paaie sterf.

Ons ry op die Suikerbosrand roete verby die Vaal dam se wal by Denysville. Nou verder die Vrystaat in. By Lindley draai ons van die groot pad of om die dorpie te gaan bekyk. My ouma Wissing het hier gebly op ‘n kol. Die dorpie is nog rustig maar ai. Slaggate aan die orde van die dag.’n Baie mooi NG Kerk en die Hotel is net oorkant die straat.

 Ons ry verby Arlington na Senekal. Weereens n dorpie wat erg agteruit gegaan het. ‘n Baie mooi NG Kerk met die Hotel net om die draai. Ons stop by ‘n sifdraad deur slaghuis om bietjie biltong  te koop. Die plattelandse slaghuise is maar net anders. ‘n Groot stil slaghuis begroet ons. Die dame agter die toonbank wil nie daar wees nie. Sy vra maar kortaf of sy kan help. Die dametjie agter die kasregister is vriendinne met die eienaar se dogter van klein tyd af. Sy kan nog onthou hoe besig die slaghuis eens was.

Nou vat die pad ons na Marquard, Hobhouse na Smithfield. Vandat ek laas in 2005 deur Smithfield was het die dorpie nogal ontpop. Nuwe vulstasies, teerpaaie die werke. So daar is darem hier en daar vooruitgang in onse mooi land. Ons maak die karretjie se pens vol en vat ons laaste stretch na Bethulie. Ons gaan hier oornag by die Karoo Pandok. Dis laat middag toe ons Bethulie inry. Nadat Waze ons op ‘n skate jag geneem het kry ons uiteindelik die Karoo Pandok. Ons word hartelik verwelkom deur Louise die bestuurder van die plek. Ons kry ‘n baie lekker kothuis met ‘n stoep en ‘n braai.

 Later vertel sy ons dat die plek behoor aan “snotkop” een van SA se musiek sterre. Ons settle in en ry toe na die Gariep Dam . By Norvalspont verby kom jy by die damwal uit. Een groot indrukwekkende besigheid. Alhoewel daar ‘n see van water is , is die watervlak  ‘n bietjie laag.Gariep Dam kan ook elektrisiteit opwek. Dalk ‘n alternatief om na te kyk Eskom. ‘n Koue doppie roep my terug na die pandokkie. Daar is darem min dinge so lekker soos ‘n sundowner en ‘n vuurtjie. Ons braai ‘n lekker skaaptjoppie en braaibroodjies. Tevrede na dag 1 gaan rus ons.

SLOER TOER

2019

(1)

Ja wat nog ,'n jaar is op sy rug! 2019 die jaar van verkiesings,verhore, korupsie, kommissies, staatskaping , leuens die wereldbeker en mej Wereld om dit mee af te sluit. Gatvol is 'n woord wat uit baie mense se monde kom! Dankie tog vir 'n vakansie! Dankie vir die blessings om met vakansie te kan gaan. Probeer om vir 'n rukkie te ontvlug van al die negatiewe dinge van ons land SUID AFRIKA! Ons baie mooie land! Daarom weer 'n sloer toer!

Van  Pretoria na Bethulie tot Patensie. Van die Wildernis tot in Paternoster. Kilometers se paaie om filing te kan doen.Agter paaie om ons mooie land en sy mense te kan beleef. Weg van die hoof roetes waar die spoed beperkings gebreek word. Waar hand gebare vuiste en middel vingers is. Waar toue staan by vulstasies om die innerlikke van masjien en liggaam te voed. Nee dankie!

So die beplanning het al hier in Julie maand begin. Watter paaie om te ry. Watter is nog oor om te ry. Die padkaart begin klein raak en die paaie min. Een van die mooi dae sal ons weer van vooraf moet begin.Die skoon mense bly mos nou ook in Kuilsrivier. 2 Vliee met 1 klap. Gelukkig is daar Pearly Beach ook nog. Maar nou ja! Ons vakansie begin die oomblik as ons die Toyotatjie start hier in Pretoria en begin ry. Net so 2 of 3 ure voor ons iewers langs die pad aftrek onder n boom om padkos en 'n koppie koffie uit die vles te geniet. Om te waai vir die karre of trokke wat verby flits. Een hele dag om so 650km te ry. Dan af te saal 'n vuurtjie aan te steek om 'n lekker ou tjoppie te braai. Om die stilte van 'n klein plattelandse dorpie te beleef of nie! Lekker kuier , padkossie maak vir die volgende stretch. So gaan ons die pad aanpak. Baviaanskloof hier kom ons!