PAD VAT 2016

(Dankie Ernst Grundling en Toast Coetzer vir die mooi woord)

Kwart oor 6 Vrydag 16 Desember 2016 vertrek die 2 Toyotatjies vanaf Pretoria na Victoria Wes. Iewers tussen Klerksdorp en Bothaville trek ons onder bloekombome in langs die pad.’n Lekker koppie koffie en toebroodjie maak die gatjie vol en kan ons weer padvat! Bothaville, Hoopstad na Boshoff. ‘n Lekker ou stukkie grondpad voor Boshoff maak my opgewonde! More gaan ons weer grondpaaie ry! In Kimberley maak ons die karre se pense vol diesel en druk deur Victoria Wes toe. So 20 km voor Britstown stop ons by die Kamdebo padstal. ‘n Fraaie padstal met al wat snuistery is om te koop. Als het omtrent ‘n windpomp motief op. Na ‘n smaaklik`e springbok pastei en koue bier durf ons die laaste 100 km aan.

Victoria Wes maak redelik vroeg toe op ‘n vakansie dag. Nerens kan ons ys kry nie! Ons tel ons skapie op vir die vakansie en gaan pak af. Ons gaan vanaand eet by die Moonlight Manor gastehuis wat 100m af in die stofpad is.  Swen en Schalk is ons gashere. Ons geniet eers ‘n koue enetjie onder ‘n druiwe prieel voor ete. En toe gebeur dit! ‘n Bord kos word voor ons neergesit wat net sowel as ‘n skildery op ‘n muur kon hang. Skaapskenkel met gebakte aartappels en groente! Saam met die nodige wyntjie, ‘n gastronomiese orgasme!! Die nagereg bring ‘n goeie einde aan dag 1 van Padvat 2016! 

  

17 Desember 2016

Ons word wakker gemaak deur musiek wat iewers oor ‘n luidspreker gespeel word. Ou musiek. Gekrapte plaat musiek! Dit klink kompleet soos ‘n mars wat voor ‘n atletiek byeenkoms oor  speakers gespeel word. Van Jim Reeves tot verby Ivan Rebroff. Genade iemand het iewers ‘n skroef los! Ek moet gaan kyk waar die musiek vandaan kom. Ek kon my oe nie glo toe ek die koster van die NG Kerk sien iutstap uit die kerktoring nie. Daar bo neffens die klok steek daar ‘n speaker sy kop uit. Het die man nou heeltamal sy kop verloor. 6uur op ‘n Saterdag oggend kom versteur hy die stilte van ‘n Karoo dorpie met musiek uit die kerk toring uit! Oom Dirk draai sweerlik in sy graf om!

Na ‘n lekker koppie koffie en skoonma se tuisgebakte beskuit vat ons die pad na Murraysburg. Een van die mooiste paaie begroet ons aan die anderkant van die N1. Moet se dis nogals lekker om so oor die N1 te ry en nie op hom nie! Murraysburg is ‘n baie mooi skoon Karoo dorpie. Dit lyk nie op die oog af of daar veel aangaan nie maar die dorp is skoon.  

Van daar ry ons na Graaf Reinette. Seker so 20 km voor die dorp kry ons die Kamdebo Natuur Reservaat. Dis hier waar die Vallei van Verlatenheid is. Ons betaal ons footjie by die hek en ry die Park binne. Spekbome staan groen teen die hange van die berg. Grotes! Ons klim en klim tot by ‘n uitkyk punt. Daar doer onder ons le Graaf Reinette. Ongelooflike uitsig! Na so 200 meter se klim teen die hoogtetjie uit kom ons by die punt aan. Asemrowend is al wat ek kon uitkry. Geen wonder Pierneef het die toneel geskilder nie. Dis voorwaar mooier as “Gods window” in die oos Transvaal!

Van Graaf Reinette ry ons Aberdeen toe. Nog ‘n klein Karoo dorpie maar die enetjie lyk oes. Vervalle geboue en strate vol slaggate! Volgens die beplanning gaan ons nou ‘n entjie  teerpad ry en dan afdraai na Rietbron. Iewers  ry ek die paaie mis en kom ek teleurgesteld agter dat ons op die N9 is. Waar het ek dan die padjie gemis. Ons stoot maar aan en kry later ‘n afdraai Rietbron toe. Lekker grondpad na die dorpie in die middel van absoluut niks. Dis klaarblyklik Angora bok wereld. Ryk boere vertel hulle my. Die dorpie is baie klein en daar gaan ook nie veel aan nie.

 Nou is dit oop en toe Meiringspoort toe. Die plan was om in die poele te gaan swem maar vader tyd is teen ons.  Meiringspoort bly darem mooi. Die kronkelpad tussen die reusagtige berge laat mens klein voel. Die arme mense wat die paaie moes bou. Daar is 25 driwwe waaroor mens ry. Die lekker braai plekke is vol en die vure ruik al te lekker. Ons gastehuis is net na die poort op regterkant. De Meiyers’ Rust. ‘n Werkende plaas met ‘n paar chalets vir oorslaap. En een kothuis bo in die berg. Gelukkig ry die Toyota baie maklik die styl bult uit en bo word ons begroet deur die aller oulikste klip huisie. 

So tussen die Bonsmaras en Elande saal ons af. Die kuier gedeelte is uit ‘n boek uit en vinnig hoor jy die geklingel van ys in die glase. Die nag word lank en vrolik en gelukkig hoef ek nie bult af nie. Dis my reis genoot se probleem. Ons slaap soos babas in die stilte en word die keer darem nie met ‘n gebler van musiek wakker nie. Nee die keer is ons wekker die bulk van ‘n bees by ons slaapkamer venster!

LEEU

SATARA

28 OKTOBER2016

Die Koning van die diereryk. Mafasa wat uitgestrek op 'n rots le en oor sy koningkryk uitkyk.Die dier wat almal wil sien as hulle Wildtuin toe kom. Jou besoek aan die Kruger Wildtuin is nie suksesvol as jy nie 'n leeu gesien het nie. Never mind die ystervark of vaalbos kat of ratel of of .... Nee almal wil net Leeus sien.Groot, vors, gespierd met 'n groot swart bos maanhare!. Skrikwekkende groot voor pote. 'n Brul wat 'n mens se binneste laat tril!!. Tande wat vleis verskeur! Dis wat ons wil sien! En is dit nie iets ongeloofliks om in die natuur te sien nie!Nie in 'n hok in 'n dieretuin nie . Nee in die veld. Daar waar hy hoort en regeer.Nog elke keer wat ek 'n leeu in die veld sien kry ek hondervleis.'n Majestieuse dier. Die KONING van die veld!

Baie min mense het al die voorreg gehad om aan 'n leeu te raak. Al is dit nou net deur 'n draad. Harde hare.Stink hare. Van naby bekyk het hy kolle op sy lyf .Amper soos 'n luiperd.

Net anderkant Zeerust "boer" 'n vriend van my met leeus.Groot stukke veld afgekamp met draad! Hoe draad, sterk draad! Kampe vol leeus. Hulle word hoenders gevoer of enige afval vleis van die omgewing! So kuier ek een Desember by hom. Hy het 'n baie lekker lapa en swembad tussen die leeu kampe. Ons kuier die dag nog so rustig toe vlogg die man met 'n spoed daar op. Op die vierwiel motorfiets reguit na een van die kampe. 'n Kamp waar daar net 'n mannetjie en wyfie was. Vir obvious redes. Sonder vrees maak hy die kamp se hek oop en jaag op die mannetjie af.Jaag toe die uit die kamp uit.Die wyfie kyk verslae toe. Ek gaan skink 'n dop! Het die man dan nou sy sinne verloor?

10 min later kom hy rustig aangery. Die mannetjie veilig terug by sy wyfie! Die hekke veilig toe en gesluit. Die hele petalje gaan my verstand tebowe.Waaroor al die bohaai? Die volgende oomblik kom ky tevoorskyn met 'n bondeltjie iets in sy arms. 'n Pasgebore leeutjie. Sy pa wou hom opvreet! Dis die dat die man so vinnig daar weg is. Dis om die kleintjie te gaan red!Krismis. Krismis word toe in die huis groot gemaak. Bottels word gegee en nie winde nie maar poef word uitgevryf. As hy klaar gedrink het moet jy hom met 'n ou handoek in sy lieste vryf. In die natuur sou die ma hom met haar skurwe tong lek. So maak mens tot hy sy ding doen. Iets amazings om te beleef! Krismis le in my arms en slaap!'n Leeutjie! Na 2 jaar verneem ek Krismis is 'n mooi groot sterk mannetjie. Ek kon hom ongelukkig nooit weer sien nie. Ook nie my vriend nie..

Ekt wel later 'n LION gedown en "satisfied" gevoel!!

.

KERKE

My eerste bewuste kennismaking met die kerk was seker op Laerskool. Ons het Sondagskool gehou by die laerskool en het net vakansies saam my ouers kerk toe gegaan. NG Suid Oos Pretoria in Stella straat. Ons het altyd by die linkerkantste deure ingegaan en so die 4de ry van agter links gesit. Elke keer op dieselfde plek. Daar was ‘n effe ongemaklikheid as ons by die kerk kom en iemand sit op ons plek hoor.

Kerke is gewoonlik ook die baken van plattelandse dorpe. Daar is meeste van die kere ‘n mooi kerk op die dorp. Swartruggens se mooi wit kerk voor jy die dorp in ry. Sandsteen kerk op SENEKAL. Die wit kerk met die höe kerk toring in Graaf Reinette. Die mooi grys en wit kerk op Merweville. Almal mooi van buite. Dis selde wat mens stop en gaan kyk hoe lyk die kerk binne. Dit los ons vir oorsese reise.

In Spanje is hierdie groot katedrale. La Segrada de Familia in Barcelona is een so katedraal. Dis ontwerp deur Antoni Gaudi en begin bou in 1882. Hulle bou vandag nog en voorspel dat die gebou eers in 2026 gaan klaar wees! ‘n Katolieke Kerk wat jou asem wegslaan. Nie soseer die buite kant nie maar as jy daar instap. Dit is onbeskryflik.

 So ook die Klooster van Montserrat, 48km wes van Barcelona. ‘n Klooster hoog in die berge. Die gevoel wat jy kry as jy daar rond stap is magies.  

Montserrat

                                                                 

 Die katedraal in Santiago de Compostela is net so amazing. Die einde van ‘n pelgrims roete wat derduisende mense stap. Die roete van die dissipel Johannes. Daar word beweer dat hy in Santiago de Compostelo begrawe is.Ongelooflik

Selfs in New York is daar ‘n asemrowende katedraal. Die St Patrick Katedraal. Daar tussen die wolke krabbers en geel taxi’s! ‘n Veilige hawe in die middel van die geroesmoes!

Die Nasionale Katedraal van Washington waar groot geeste al heen gegaan het. Presidente en goeters.

 Alles hierde wow geboue vol rustigheid!

Een kerkie wat ek baie graag nog na toe wil gaan is die Notre Dame du Rugby. ‘n Kerkie in die suidweste van Frankryk wat opgedra is aan Rugby! Iets groots vir my bucket list

AMEN!

Soweto Shebeen

BARCELONA

2002

Dit was so half agt die aand toe Bobby by die Shebeen in stap." Jis broer" groet hy." Hoe lyk dinge hier?" vra hy ."Ok" antwoord ek."Dis maar stil. 2 Morokane sit daar agter by die pool tafel maar hulle is rustig. Rook niks snaaks nie en ek  het hulle nog nie iets sien snuif nie. Angel (een van ons locals), se glase is in die vrieskas. Die yskaste is vol . Die Hoegaarden keg het seker nog so 6 draft's in. "Mooi man. Geniet jou break" antwoord hy.

My "etens uur break" 11 uur die aand. Ja die dinge in Spanje werk bietjie anders as wat ek aan gewoond is. Hier begin die mense eers na 9 in die aand uitgaan. Party van die restaurante maak eers 10 uur die aand oop. Ek gryp my baadjie en vaar die nat koue strate van Barcelona binne. Waar sal ek vannaand heen gaan. Ek kan nie te ver gaan nie. Ek het net 'n uur break. Hier stap jy maar waarna toe jy wil gaan. Of dit of bus ry. Ek besluit om maar na die JAZZ bar te gaan. 'n Klein kroeggie so 2 blokke van die Shibeen af. Die kroeg dame is van Kuba af en getroud met 'n Amerikaner. Hy kom redelik gereeld sy keel nat maak by ons. Snaakse vent.

Die Jazz bar is ook nog stil. Ek bestel 'n hoender burger en chips.Dis nie slap chips nie maar lyk soos crinckel cut chips. So burger en 'n bier of wat vul die hol kol op die maag en gee bietjie energie vir die nag! Die strate is maar leeg vannaand kom ek agter toe ek terug stap Shebeen toe. Dis nat en koud. Daar sit 'n jong couple by die kroeg toe ek die Shebeen instap. Bobby staan met hulle en gesels. Ek neem nie regtig notisie nie. Seker maar Amerikaners of Engelse studente. Ek hang my baadjie op en begin my voorbereiding vir die "griled cheese". Die kaas broodjies wat  ek maak vir die honger studente wat laatnag hier by ons inval.

"Weet jy wie is die?" bulder Bobby se stem. Hoe de moer moet ek weet wie dit is wonder ek in my binneste. Nog voor ek kon antwoord se hy"onthou jy suster Ciska?" Ek knik. Sy het saam met ons by Dirk Swart Eiendoms Agentskap in Pretoria gewerk. "Dis haar dogter Kim"  "Aangename kennis" groet ek. 'n Vriendelikke jong vrou met mooi dimpels dink ek. Haar vriend se naam is Andre. Beide argitek studente van Tukkies. Hulle is vir 'n tydperk in Barcelona om Spaans te leer of so iets. Ek word aangese om mooi na hulle te kyk. 'n Suster van ons se dogter betaal nie vir drank in die Shebeen nie.

Ek praat nie veel met hulle nie en gaan aan met my normale roetnie. Die kroeg is maar stil. Dis vroeg oggend toe die 2tjies al laggend  uit die kroeg strompel. Lekker dink ek. Wens ek het iemand met 'n kroeg geken waar  die drank op die huis is!

Vroeg aand wals die 2tjies weer by die kroeg in. Vodka con Zumu de Melocotton is wat hulle drink. Dis vodka met 'n vrugte sap. Nogal lekker kom ek later agter! Die aand is weer stil so ek sit maar by hulle en kuier. Lekker om weer vir 'n slag Afrikaans te kan praat heel nag lank. Net na 2 die oggend is hulle weer daar uit.Met 'n skelm glimlag groet Kim my. Skielik is daar 'n snaakse gevoel wat binne my opstoot Het die sparks nou regtig tussen ons 2 gevlieg of wat? Was daai nou meer as net 'n onskuldige glimlag wonder ek? Ek is oppad om die kroeg te sluit toe sy skielik voor my staan. My hart klop in my keel. Sonder om enige iets te se gee sy my 'n intieme soen, glimlag en huppel die koue nat strate van Barcelona in.......... 

WELKOM IN ONS WêRELD

Dinsdag middag 5 April 2016 presies om 3 uur namiddag word daar ‘n seuntjie in Barcelona, Spanje gebore wat Lorenzo ANET FOURIE heet! Ek is sy amptelike Ere Oupa! Wat die seuntjie so besonders maak is dat hy my vriend /broer se eerste kleinseun is! Wat hom verder besonders maak is sy “bloedlyn”.

 Ek het sy ma Emanuela Fourie in Pretoria ontmoet toe sy ‘n dogtertjie in graad 1, in Constantia Park laerskool was. Later jare het sy my op die lughawe in Barcelona kom haal.’n Pragtige jong vrou wat besig was om te studeer. Haar ma ,ANNA  DI BARTOLO, se ouers is Sicilieense Italianers. Anna se groot ouers was Siciliaans. My vriend/broer is gebore in Mantagu .‘n Volbloed Afrikaner Kapenees wat hou van vis en wyn,rugby en kuns. Die kleindig se pa is half Frans ,half Catalan-Spaans ‘n Meditereense Prins. Afrikaan/Italiaans/Frans en Spaans.

Hy sal Spaans groot word. Spaans en Catalan praat . Spaanse en Catalanse maniere aan leer. Dalk bietjie Franse maniertjies en of sharme hê. En  dan is daar sy  Suid Afrikaanse oupa wat ook in Barcelona woon.. Hy sal hom vertel van die stories uit donker Afrika. Van al die Currie Bekers wat die WP gewen het. Van die 2 wêreld bekers wat die Springbokke gewen het. Hopenlik nooit van die verloor teen Japan in die 2015 Wêreld Beker nie.

Hy sal leer van braai. Hopenlik ook later in sy jare van kos maak. Hy sal miskien FC Barcelona ondersteun. Dalk sokker speel maar sy ooms Amedeo en Aldo sal hom hopenlik aan rugby voorstel. Hy sal as deel van sy voorgeslagte-se- geboorte reg die Bokke,Stormers en WP ondersteun! (Foeitog) Ons sal met belangstelling sy lewe hier uit die noorde van die Suid punt van Afrika dophou.

Welkom in die deurmekaar wêreld LORENZO ANET FOURIE! Ek vertrou jou pa FRAN en ma EMANUELA sal jou mooi groot maak en dat jy veilig groot sal word. Sien uit na jou lewens reis!

DIE STROOISE VAN AFRIKA

Braaivleis, sonskyn, samesyn en Chevrolet was woorde vir ‘n advertensie eens op ‘n tyd. Braaivleis vure is seker sinoniem met Afrika. Vir baie mense is ‘n vuur die enigste hitte waarop hulle, hulle kos kan gaarmaak en hitte in die winter kan kry. Van oertyd af maak mense ‘n vuurtjie.

Daar is niks so lekker soos die reuk van gebraaide wors op ‘n vuurtjie in die somer aande nie. Oor naweke vul geure van braaivleis vure die lug. Jy kan ondersky tussen hout vure en Brieket vure. Bosveld hout of doringboom. Daars meeste van die kere ‘n gelag en geklets romdom ‘n vuurtjie. ‘n Vorm van onthaal. ‘n Vreugde volle ondervinding. Vir sommiges!

Dis moeilik om te glo dat daar sowaar mense is wat glad nie van ‘n vuurtjie of braaivleis hou nie. Die reuk van vure maak hulle deure en vensters toe slaan! Hoe gebeur dit dat mense nie van die reuk van gebrande bosveld hout nie? Of die reuk van gebraaide wors of vis of wat ookal.

Hoe gebeur dit dat iemand wat versot is oor braai in ‘n meethuis beland langs mense wat nie daarvan hou nie? Sodra die vuurtjie aangesteek word, word die vensters en deure langsaan toegeklap. Het alle vure nie maar bietjie rook sodra jy die vuur aansteek nie? Dis onvermydelik dat daar ‘n rokie gaan trek as vet op die vuur drip. Dan word daar smse gestuur wat vra om die braai te skuif want hulle huis ruik soos ‘n stroois! Was hulle al ooit in ‘n stroois? Weet hulle hoe ‘n stroois regtig binne ruik of gebruik hulle maar net die gesegde? Waarheen skuif jy ‘n vuur in ‘n vyftien vierkante meter tuin? Daais baie vet op die vuur!

                                                                      CCR 218

Die statige ou lykswa van Victoria Wes moes ongelukkig verlede Sondag onder sy komberse en seile uitkruip. 'n Legende van Victoria Wes het sy laaste asem uitgeblaas. Oom Dirk Human ,die koster  van Victoria Wes NG Kerk, vir 22 jaar is oorlede. Genadiglik kon ek verlede jaar die groot siel ontmoet . Sy liefde vir die ou wa was merlik sigbaar. Hy het elke week die wa "gestart" om die battery te laai. Met my besoek was die battery ongelukkig onklaar en kon ek nie die wa hoor nie.

Sondag 14  Februarie 2016 is oom Dirk met sy geliefde wa na sy laaste rusplek vervoer. Ek hoop dat die nuwe koster met die selfde ywer en liefde na die wa sal omsien.

                                                                 Totsiens oom Dirk.